Ulttyq palata QR IDM-men birge qazaqstandyqtardy qorǵaý sharalaryn ázirleýi kerek - T. Qulybaev
UKP baspasóz qyzmetinen habarlaǵandaı, eldegi týrızmniń ınfraqurylymdyq damý keleshegi, sonyń ishinde ındýstrııalyq park prıntsıpi boıynsha damytý usynylǵan týrıstik klasterler talqyǵa salyndy.
Bul sala joǵary deńgeıde damyǵan elder tájirıbesi boıynsha týrıstik klasterler memlekettik yntalandyrý men qoldaý jasalǵan jaǵdaıda jyldam jáne nátıjeli damı alady; alaıda jeke menshik sektordy tartý shoǵyrlanǵan jumysty qamtamasyz etedi jáne onyń tıimdiligin arttyra túsedi. Sonymen qatar áleýmettik máseleler de sheshimin tabatyn bolady.
QR UKP Tóralqa Tóraǵasy Tımýr Qulybaevtyń paıymynsha, týrıstik klasterler týrıster arasyndaǵy tanymaldyq, aýmaqty keshendi damytý jáne ózge de faktorlar esebimen qurylýy tıis. Osy turǵyda Almaty jáne onyń mańaıy, ShQO jáne QR Prezıdenti Nursultan Nazarbaevtyń aıtýynsha, «jańa jumys oryndary men qosymsha óndirister qura otyryp, Qazaqstan úshin ómir jolyna» aınalatyn, qalpyna keltirilgen Uly Jibek joly múmkindigi mol jerler bolyp qala beredi.
Kún tártibinde bıylǵy jazda «Gúlnar týr» kompanııasy aınalasyndaǵy daý-damaıdan keıin anyqtalǵan júıelik máseleler de qozǵaldy. Týroperatorlyq qyzmet sharttary, týroperatorlar men týragentter jaýapkershiligin bólý, qarjylaı kepildikti engizý, azamattyq-quqyqtyq jaýapkershilikti saqtandyrý jáne t.b. jóninde zańnamaǵa ózgertýler boıynsha ázirlengen usynystar toptamasymen birge, Ulttyq palata Tóralqa basshysy UQP Basqarmasyna ózekti máselelerdi kóterip, beıindi mınıstrlikpen birlese otyryp olardyń túıinin tarqatýdy tapsyrdy.
«Ulttyq palata týrızmge jaýapty Investıtsııalar jáne damý mınıstrligimen birge Qazaqstan týrısteri úshin aldyn alý jáne qorǵaý sharalaryn ázirleýi qajet», - dedi Tımýr Qulybaev.