Ulttyq oıyndar qazaqstandyq oqýshylardy tárbıeleý josparyna engizildi

ASTANA. QazAqparart - Y. Altynsarın atyndaǵy Ulttyq bilim akademııasy tárbıe jumysyn tıimdi uıymdastyrý maqsatynda orta bilim berý uıymdary úshin jańa oqý jylyna arnalǵan «Toǵyz aı – toǵyz is-shara» josparyn usyndy, dep habarlaıdy QazAqparat.

«Toǵyz oqý aıy ishinde oqýshylar toǵyz túrli is-sharalarǵa qatysady. Jospardy iske asyrý - naýryz aıynda oqýshylar arasynda ótkizilgen «Kúı kúmbiri» respýblıkalyq dombyrashylar chellendjiniń jalǵasy. Barlyq is-sharalar ulttyq qundylyqtar negizinde tárbıe protsesine biryńǵaı kózqarasty qamtamasyz etýge baǵyttalǵan», - dep atap ótti Y. Altynsarın atyndaǵy Ulttyq bilim akademııasynyń prezıdenti Madına Tynybaeva.

Aıta keteıik, is-sharalar kelesi tártipte ótkiziledi:

Qyrkúıek – «Sergitý sáti»

Qazan – «Ánuran aıtý»

Qarasha – «Asyq atý»

Jeltoqsan – «Shyǵarma jazý: bolashaqqa hat»

Qańtar – «Qazaq esebi»

Aqpan – «Oqýǵa qushtar mektep»

Naýryz – «Dombyrashylar»

Sáýir – «Toǵyzqumalaq, shahmat oıyny»

Mamyr – «Jasyl meken».