Ulttyq oıý-órnek - qazaqtyń brendine aınalar asyl qazyna
ASTANA. 6 qańtar. QazAqparat - Arqalyq qalasynyń turǵyny, qolóner sheberi Shóptibaı Báıdildaulynyń qolynda qazir 2 myńnan astam týyndy bar. Olardyń árqaısysyn álem nazaryna usynýǵa bolady. Alaıda, qazaqtyń brendine aınalar qazyna qazir qolónershiniń tórgi bólmesinen ári asa almaı tur.
Shóptibaı Báıdildauly - 1500-nan astam oıý-órnektiń avtory. Ár týyndy talaı jylǵy tynymsyz izdenispen, eńbekpen keledi. Sheber avtorlyq quqyǵym bar dep oıý-órnekterin menshiktegen emes. Onyń maqsaty - osy ónerdi jańǵyrtý, eldiń kádesine jaratý. Sheber oıý-órnek ulttyq maqtanysh bolýy kerek dep sanaıdy.
«Irannyń, Túrkimenstannyń kilemi bar, qazaqtyń kilemi de eshkimnen kem emes. Biz nege óz kilemimizdi shyǵarmaımyz? Erkindik aldyq, endi ulttyq qundylyqtarymyzdy kóterýimiz kerek. Osy ulttyq mádenıet oıý-órnekpen qosa damysa, nur ústine nur bolmaq. Elimizde EHRO-2017 kórmesi ótpek. Qazaqtyń ulttyq dástúrin, mádenıetin kórsetetin shaq sonda týady. Kórmede ulttyq mádenıetimizdi ret-retimen kórsete alsaq, bizdiń buıymdar dúnıejúzindegi kez kelgen eldiń naryǵyna enip ketedi dep oılaımyn», deıdi qolóner sheberi.
Kilemnen bólek, Shóptibaı Báıdildaulynyń oıý-órnekterin tusqaǵaz, kafelge bassa, ol kez kelgen úıdiń ajaryn asha túsedi.
Buǵan deıin Sh.Báıdildaulynyń kórmesi Túrkııada ótken jasóspirimder festıvalinde, 1996 jyly Atlanta olımpıadasynda qoıylǵan, dep habarlaıdy 24.kz.
