Ulttyq ónerdi ekzotıkaǵa aınaldyrmaý kerek - «Murager» prodıýserlik ortalyǵynyń dırektory

Y. Qarashanyń 14-i. QazAqparat /Erlik Erjanuly/ -    Biz álemdik órkenıettegi óz ornymyzdy tabý úshin  eń aldymen  ulttyq mádenıet pen ónerdiń órisin keńeıtýimiz kerek. Bul másele Elbasynyń halyqpen tikeleı jeli arqyly tildesýi kezinde de sóz boldy,

deıdi QazAqparat tilshisine suhbat bergen «Murager» prodıýserlik ortalyǵynyń dırektory Eralhan Ábishev.

         Elbasy suhbat kezinde AQSh-ta teatrlardyń jekemenshiktiń qolynda ekenin aıtty. Sondaı-aq Qazaqstanda  qazirgi tańda 60-qa jýyq teatr bar ekenin, olardyń  osy ýaqytqa deıin memleket tarapynan qarjylandyrylatyn jáne bul úrdistiń aldaǵy ýaqytta da jalǵasyn tabatynyn jetkizdi.

         «Jalpy ulttyq ónerdi ulyqtaýda memlekettiń roli óte joǵary. Alaıda Úkimet ony  áli de óz qolyna tolyqtaı alǵan joq.  15 mıllıon qazaqstandyqtyń 2 mıllıony ǵana ulttyq mýzykany tyńdaıdy. Al sheteldikter oǵan ekzotıka retinde ǵana qaraıdy. Bizde ánshi kóp bolǵanymen, suranys az.  Sondyqtan úkimet eń aldymen memlekettik  tildi damytýǵa kóbirek kóńil bólý kerek. Til damysa, mádenıet te, óner de órkendeıdi», deıdi prodıýser.