Ulttyq olımpıadalyq komıtettiń qurylǵanyna 22 jyl toldy
ALMATY. 3 aqpan. QazAqparat /Erlik Erjanuly/ - Ulttyq olımpıada komıtetine ótken 22 jyldyń ishinde Halyqaralyq Olımpıada komıteti men Azııalyq olımpıada keńesi tarapynan birde-bir ret shaǵym túsken joq.
Ony Ulttyq olımpıada komıtetiniń vıtse-prezıdenti Pavel Novıkov búgin Almatyda ótken baspasóz máslıhatynda aıtty.
«Osydan tura 22 jyl buryn Qazaqstanda Ulttyq olımpıadalyq komıtet (UOK) quryldy. QR Ulttyq olımpıadalyq komıtetiniń qurylýyna uıytqy bolyp, negizgi bastamashy bolǵan Tımýr Dosymbetov. Aldaǵy naýryzda QR Ulttyq olımpıadalyq komıtetin Halyqaralyq olımpıada komıtetiniń (HOK) moıyndaǵanyna 20 jyl tolady. Bul biz úshin óte mańyzdy. Bastapqy kezde HOK burynǵy keńestik respýblıkalardaǵy sporttyń damýyna mańyzdy ról atqarmady. Sondyqtan oǵan senim de tómen edi», - dedi Pavel Maksımovıch. Onyń aıtýynsha, Qazaqstan 1994 jyldan bastap qana álemdik dúbirli dodalarǵa jeke óz komandasymen qatysa bastady. Sol kezden bastap UOK shynynda da belsendi jáne áreketti túrde túrde bizdiń elimizdegi sporttyń damýyna yqpal ete bastady.
