Ulttyq olımpıadalyq komıtetter qaýymdastyǵy ıÝNESKO-men áriptestik ornatty

ASTANA. QazAqparat - Shveıtsarııanyń Lozanna qalasynda 204 ulttyq olımpıada komıtetin biriktiretin jáne olardyń árqaısynyń múddelerin qorǵaıtyn eń iri halyqaralyq sporttyq uıymdardyń biri - Ulttyq olımpıadalar komıtetiniń halyqaralyq qatynastar komıssııasynyń otyrysy jumysyn aıaqtady.

Otyrys jumysyna Qazaqstan Ulttyq olımpıada komıtetiniń prezıdenti Tımýr Qulybaev qatysty.
«Kezdesýdiń negizgi taqyryby UOKQ men ıÝNESKO arasyndaǵy sportty damytý máselelerindegi ózara túsinistik týraly memorandýmǵa qol qoıý boldy. Halyqaralyq deńgeıde dene shynyqtyrý men sportty damytýǵa baǵyttalǵan birlesken is-áreketterdi shoǵyrlandyrý qajettiligi týraly UOKQ halyqaralyq qatynastar jónindegi komıssııasynyń tóraǵasy Hýlıo Sezar Maglıone aıtty», -delingen QR UOK habarlamasynda.

Komıssııa otyrysynda sóz sóılegen Qazaqstan Ulttyq olımpıada komıtetiniń prezıdenti Tımýr Qulybaev Qazaqstan ıÝNESKO-nyń kórnekti áriptesi ekenin atap ótti.

«Qazaqstan ultaralyq kelisimdi, toleranttylyqty, mádenı qarym-qatynasty qoldaı otyryp, mádenı murany saqtaý, ǵylym, bilim berý salasyndaǵy halyqaralyq qatynastardy keńeıtý máselelerinde uıymmen belsendi yntymaqtastyqta. Alda Qazaqstan aýmaǵynda olımpıadalyq sport qundylyǵyn jyljyta otyryp, ulttyq olımpıada komıteti ıÝNESKO-nyń UOKQ-men áriptestigi aıasynda da bastamalar kórsetýge ázir», - dep málimdedi Qulybaev.