Ulttyq olımpıada komıtetiniń bas qosýynda ulttyq olımpıada quramasynyń jańa jarǵysy bekitildi (FOTO)

ASTANA. QazAqparat - Astanada UOK prezıdenti Tımýr Qulybaevtyń tóraǵalyq etýimen QR Ulttyq olımpıada komıtetiniń kezekten tys sezi ótti.

Sezd qatysýshylary Qazaqstan ulttyq sport federatsııasynyń basshylary, eldiń sport qoǵamynyń sportshylary men ókilderi, sondaı-aq oǵan QR Mádenıet jáne sport mınıstri Arystanbek Muhamedıuly qatysty.

Qatysýshylar UOQ jańa redaktsııadaǵy jarǵysy men uıymnyń basqarý organy: Bas assambleıa men Atqarýshy komıtettiń quramyn bekitti.

Atqarýshy komıtet quramy 15 adamǵa, olardyń ókilettik merzimi - tórt jylǵa qysqartyldy.

Komıssııa Olımpıadalyq sport túri boıynsha keminde bes sportshydan nemese tórt jyl ishinde aldyńǵy Olımpıadalarǵa qatysqan sportshylardan turady, komıssııanyń ókilettik merzimi - 4 jyl.

Sezd aıasynda Rıo-de-Janeırodaǵy XXXI jazǵy Olımpıadalyq oıyndarǵa qatysatyn Qazaqstan ulttyq quramasy sportshylarynyń sherýge kıetin kıimi tanystyryldy.

Kıim dızaınynda quramyna olımpıada chempıondary Olga Shıshıgına, Serik Sápıev, Ermahan Ybraıymov, ıÝrıı Melnıchenko, QR Mádenıet jáne sport mınıstrligi, QR Ulttyq olımpıada komıteti ókilderi, táýelsiz dızaınerler Olga Stanıshevskaıa, Elvıra Narıbaeva kiretin komıssııa músheleriniń eskertýleri men tolyqtyrýlary eskerildi.