Ulttyq Olımpıada komıteti Tımýr Qulybaevqa kóńil aıtty
NUR-SULTAN. QazAqparat - Qazaqstan Ulttyq Olımpıada komıteti Tımýr Qulybaevqa anasy Raısa Aldabergenqyzy Qulybaevanyń ómirden ótýine baılanysty qaıǵyryp kóńil aıtty, dep habarlaıdy QazAqparat.
«Qadirli Tımýr Asqaruly! Biz orny tolmas qaıǵyńyzǵa ortaqpyz. Raısa Aldabergenqyzyn biletin jandar onyń júregi meıirimge toly, aqjarqyn adam bolǵanyn aıtady. Ómirdegi eń asyl adam – aıaýly anany joǵaltý eshkimge de ońaı soqpaıdy. Osyndaı qıyn sátte Sizdiń qaıǵyńyzǵa ortaqtasyp, qoldaý kórsetkimiz keledi. Anańyz jaıly jarqyn estelikter men onymen birge ótkizgen sátterińiz árqashan júrek tórinde bolary anyq. Olımpıadalyq otbasy Sizdiń januıadaǵy aýyr qazaǵa ortaqtasady» delingen komıtet taratqan habarlamada.
