Ulttyq Olımpıada komıteti aýyr atletterdiń jaǵdaıyna qatysty túsinik berdi
NUR-SULTAN. QazAqparat - Qazaqstan Ulttyq Olımpıada komıteti aýyr atletıka sportshylarynyń tólenbegen jalaqylaryna baılanysty vıdeohabarlamasyna qatysty túsinik berdi. Bul týraly QazAqparat Olympic.kz saıtyna silteme jasap habarlaıdy.
«Qazaqstan UOK óz tarapynan búginde barlyq ulttyq qurama múshelerine, sonyń ishinde, aýyr atletshilerge de eńbekaqylaryn tolyq jáne ýaqytyly tólep otyr. Sportshylar úshin UOK eńbekaqysy birden bir tabys kózi bolyp sanalady. Basqa qarjylandyrý kózderi pandemııaǵa baılanysty ózderiniń bıýdjetterin qysqartty. Atap aıtqanda, demeýshiler tarapynan eńbekaqy alatyn ulttyq quramanyń keıbir múshelerine tólenbeý týraly másele bar. Bul is júzinde bárimizge ortaq másele. Búgingi tańda barlyq múddeli taraptar jaǵdaıdy sheshý úshin jumys isteýde», - deıdi Qazaqstan UOK bas hatshysy Andreı Krıýkov.
Sondaı-aq, bas hatshy UOK sport federatsııalary men sportshylar aldyndaǵy barlyq mindettemelerin oryndaıtynyn jáne qazirgi ýaqytta oqý-jattyǵý jıynyn kezeń-kezeńimen qaıta jandandyrýǵa kóńil bólip otyrǵandyǵyn atap ótti. Oqshaýlaý rejıminde oqý-jattyǵý jıynyn qaýipsiz ótkizý jáne baqylaý maqsatynda Qazaqstan UOK tarapynan arnaıy jedel shtab qurylǵanyn da tilge tıek etti. Tótenshe jaǵdaı rejımi alynyp tastalǵannan keıin «Qazaqstan Respýblıkasy turǵyndary arasynda koronavırýs ınfektsııasynyń aldyn alýǵa baılanysty is-sharalardy ári qaraı qataldatý» týraly Qaýlysyna saı sanıtarlyq-dezınfektsııaly rejımdi qatań saqtaı otyra UOK akkredıtatsııadan ótken 29 sporttyq bazany jańa talaptarǵa sáıkes daıyndady. 25 sporttyq nysan oqý-jattyǵý jıyndaryn ótkizýge ruqsat aldy. Taǵy tórt sporttyq baza UOK erejeleri men sanıtarlyq dárigerdiń jarlyǵymen óz nysandaryn qalypqa keltiredi. Aıta keterligi, búginde boks jáne dzıýdodan áıelder men erler ulttyq qurama komandalary oqý-jattyǵý jıyndaryna kiristi.
Sonymen qatar, sý doby men qazirgi bessaıys boıynsha ulttyq qurama komanda jattyǵýyn jalǵastyrýda. Osy aptada qysqy sport túrleri boıynsha komanda ókilderiniń jattyǵý jıyndary bastalady dep kútilýde. Basqa da olımpıadalyq sport túrlerinen komandalar bekitilgen keste boıynsha jattyǵý kezeńderin bastaıdy.
Sondaı-aq, Andreı Krıýkov ulttyq quramanyń oqý-jattyǵý jıyndarynyń shyǵyndary men basqa da qarjylyq mindettemeleri memlekettik tapsyrma boıynsha UOK tarapynan ýaqytyly jáne tolyq kólemde oryndalatyndyǵyn atap ótti.
Sonymen qatar, bas hatshynyń aıtýynsha, uıymnyń negizgi mindeti - sportshylardyń densaýlyǵy men olardyń qaýipsizdigin qamtamasyz etý. Sebebi, ár sport ókilderi qozǵaýshy kúsh, naǵyz motıvatsııa kózi bolyp sanalady.Eske salsaq, osy jyldyń mamyr aıynda Aýyr atletıkadan ulttyq quramanyń bas bapkeri aýysqan bolatyn.
