Ulttyq negizimizdi joǵaltpaı, uly tarıhı tulǵalarymyzdy kórsete bilýimiz kerek - E.Nurazhan
ALMATY. Qyrkúıektiń 17-si. QazAqparat /Ádilet Musahaev/ - Búgin Almatyda QR Mádenıet mınıstrliginiń qoldaýymen,
«Jaýhar» ulttyq salt-dástúrdi qoldaý qory» qoǵamdyq qorynyń uıymdastyrýymen «Qazaq tarıhy: - músinshiler qolymen» atty taqyrypta konferentsııa ótti.
Ónertaný ǵylymynyń kandıdaty, professor, QR Sýretshiler odaǵy tóraǵasynyń orynbasary Qurman Murataev elimizdiń músin óneri kóne saq, túrki zamanynan bastaý alyp, ótken ǵasyrdyń 30-shy jyldarynan beri kásipti ónerge aınalǵanyn aıtady.
«Ótkizilip otyrǵan sharanyń basty maqsaty - búgingi músin óneriniń damýyna baǵa berip, ondaǵy máselelerdi buqaraǵa jetkizý, ıaǵnı Qazaqstan músinshileriniń týyndylaryn qoldaý men nasıhattaýdy qolǵa alý», deıdi Q.Murataev.
Sonymen qatar ol osy konferentsııaǵa oraı qyrkúıektiń 15-nen bastap músinshilerdiń kórmesi ótkizilip jatqandyǵyn aıtty. "Bul kórmege jıyrmaǵa jýyq jas avtorlardyń 10 jyldyń mańaıynda jasalǵan jumystary qoıylǵan. Osy músinshiler óner jolynda kóp izdenip, jańashyldyq engizse dep oılaımyn", dep atap ótti Qurman Murataev.
Konferentsııa jumysy barysynda «Tarıh betterindegi Qazaqstan músinderi», «Qazirgi Qazaqstan músinderindegi mıfter» taqyryptarynda baıandamalar oqylyp, talqylandy.
Sondaı-aq sharaǵa qatysqan ónertanýshy ǵalymdar, músinshiler, elge tanymal sýretshiler músin ónerine qatysty pikirlerin ortaǵa saldy. Músinshiler óz shyǵarmalaryn halyq úshin jasaıtyndyqtaryn, degenmen halyq óner ıelerin jáne olardyń týyndylaryn bile bermeıtindikterin aıta kele, shalǵaıda jatqan eldi mekenderdi aralap, olarǵa da jasalyp jatqan músinderdi kórsetý kerek degen usynystar aıtty.
Ónertanýshy ǵalymdar sonymen birge qazirgi kezde tapsyryspen salynatyn salt-dástúrge baılanysty músinder men batyrlardyń eskertkishteri kóbeıip ketkendigin, jurtshylyqty eleń etkizer dúnıelerdiń ómirge kelmeı jatqandyqtaryn aıtady.
«Sýretshi óz eliniń ótkeni men bolashaǵyna úlken jaýapkershilikpen qaraıtyn azamat bolýy kerek. Batyrlar qaıtalanyp salynyp jatyr degenge men kelispeımin. Óıtkeni Táýelsizdik ońaılyqpen kelgen joq. Onyń jolynda sońǵy demine deıin kúresken ata-babalarymyz bar. Salynyp jatqan bul músinder bizdiń ótkenimizdi umyttyrmaı, jas urpaqqa qaldyrý úshin qajet. Ulttyq negizimizdi joǵaltpaı, uly tarıhı tulǵalarymyzdyń kórsete bilýimiz kerek», deıdi Á.Qasteev atyndaǵy óner murajaıy dırektorynyń orynbasary, sýretshi Erkin Nurazhan.
