Ulttyq mýzeıge belgili jyraý T.Іztileýov aýdarǵan «Shahnama» dastanynyń mýzykalyq antologııasy syıǵa tartyldy (FOTO)
ASTANA. QazAqparat - Qazaqstan Respýblıkasy Ulttyq mýzeıinde jalpy ulttyq «Kazahstanskaıa pravda» gazeti jýrnalıstteriniń mýzeı dırektory Darhan Myńbaımen kezdesýi ótti, dep habarlady mýzeıdiń baspasóz qyzmeti.
QR Ulttyq mýzeıiniń dırektory «Respýblıkalyq «Kazahstanskaıa pravda» gazeti» AQ Basqarma tóraǵasy Aleksandr Tarakovty jáne basylym ujymyn gazetttiń 95 jyldyq mereıtoıymen quttyqtady.
Jýrnalıstter elimizdiń basty mýzeıi týraly aqparat pen óz suraqtaryna tolyq jaýaptar aldy.
Sonymen qatar, Darhan Myńbaı mynadaı mańyzdy málimdeme jasady. «Taıaýda «Ulttyq mýzeıge syı» atty aktsııa bastalady. Bul aktsııanyń maqsaty Qazaqstan Respýblıkasy Ulttyq mýzeıine qundy tarıhı artefakttardy elimizdiń turǵyndarynyń tegin tabystaýyn uıymdastyrý. Biz bul aktsııany keńinen jandandyryp syıǵa tartýshylar týraly málimetterdi jarııalaıtyn bolamyz. Bizdiń mindetimiz - túsindirý jumystaryn júrgizip, halyqtyń mádenı deńgeıin kóterý. Biz qazaqstandyq otbasylardyń arasynda saqtalyp, urpaqtan urpaqqa berilip kele jatqan jádigerlerdiń tıisti deńgeıde saqtalmaı joǵalyp ketýi múmkin ekenin aıtqymyz keledi. Ýaqyt ótken saıyn barlyq materıaldar ózgeriske túsip búlinip jatady. Al bizde olardy saqtaýǵa jáne kórsetýge barlyq jaǵdaılar jasalǵan», - dedi D.Myńbaı.
Gazettiń Qyzylordadaǵy menshikti tilshisi ıÝrıı LI Ulttyq mýzeıge oblystyń ákimshiligi atynan belgili jyraý Turmaǵambet Іztileýovtyń 1936 jyly qazaq tiline aýdarǵan Fırdoýsıdiń «Shahnamasynyń» mýzykalyq antologııasyn syıǵa ákeldi. HD nusqadaǵy 48 dıskiden turatyn uzaqtyǵy 68 saǵattyq dastannyń aýdıo nusqasyn jasaý úshin 22 jyraý eńbek etken.
Qonaqtar úshin ekskýrsııa júrgizildi.
Eske sala keteıik, mýzeıde jalpy sany 160 888 eksponat bar. Olardyń ishinen 12 847 eksponat mýzeı zaldaryna qoıylǵan. 148 041 eksponat mýzeıdiń qorsaqtamalarynda saqtaýly. 39 400 eksponat - ýaqytsha saqtalatyn eksponat.
Ulttyq mýzeı ashylǵan 2014 jyldyń 2 shildesinen 2014 jyldyń 31 jeltoqsanyna deıin mýzeıge 124618 adam keldi, olardyń arasynda Avstralııa, Avstrııa, Ulybrıtanııa, Ispanııa, QHR, Italııa, BAÁ, Reseı syndy jáne t.b. 32 shetelderi de bar. 3596 ekskýrsııa júrgizildi. Mýzeıde 12 ekskýrsııa jetekshileri jumys jasaıdy. Ekskýrtsııa 4 tilde júrgiziledi (qazaq, orys, aǵylshyn, qytaı).
Sheteldik mýzeıler men mýzeı uıymdarymen 17 yntymaqtastyq memorandýmy jasaldy.
2014 jyly 9 kórme (onyń ishinde beseýi halyqaralyq) jáne 8 konferentsııa jáne basqa da ǵylymı sharalar ótkizildi.
