Ulttyq mýzeıge Abaı qoldanǵan samaýryn tabystaldy
Mádenıet jáne sport mınıstrliginen málim etkendeı, 1893 jyly jasalǵan, tarıhı qundylyǵy joǵary jádiger Abaı atyndaǵy halyqaralyq mádenıet pen ónerdi qoldaý qory atynan berilip otyr.
«Bul – Semeı qalasyndaǵy metsenat Bekbaı Baısovtyń kerýen saraıynda turǵan, Abaı Qunanbaıuly bastaǵan qazaq zııalylary shaı ishken samaýryn», - delingen mınıstrlik málimetinde.
Mádenıet jáne sport vıtse-mınıstri Arman Júdebaev Abaıdyń qazaq mádenıeti men rýhanııatyna qosqan aıryqsha úlesin aıta kele, qazaqtyń bas aqyny atanǵan uly tulǵanyń ómiri men shyǵarmashylyǵy áli de tolyq zerttelmegenin atap ótti.
Qazirgi tańda Ulttyq mýzeı qorynda Abaı Qunanbaıulynyń ómiri men shyǵarmashylyǵyna qatysy bar 42 jádiger saqtalǵan. Olardyń arasynan aqynnyń jeke paıdalanǵan qutysyn, kózi tirisinde baspadan shyqqan kitaptardy jáne taǵy basqa mańyzdy dúnıelerdi kórýge bolady.
