Ulttyq mýzeıde «Jańǵyrtylǵan jádigerler» atty kórme ótedi
ASTANA. QazAqparat - Qazaqstan Respýblıkasy Ulttyq mýzeıinde búgin Halyqaralyq mýzeı kúnine oraı «Jańǵyrtylǵan jádigerler» atty kórme ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
Tarıhı eskertkishterdi, mýzeılik qundylyqtardy konservatsııalaý jáne qaıta qalpyna keltirý (restavratsııalaý) - kásibı biliktilikpen qatar, asqan tózimdilikti qajet etetin óte kúrdeli jumys ári mýzeı isiniń aıryqsha salasy.
Ulttyq mýzeıdiń konservatsııalaý jáne qalpyna keltirý qyzmeti 2014 jyldan bastap jumys istep keledi. Sol ýaqyttan beri qaraı, 500-den astam qundy jádigerler jańǵyrtyldy. Qyzmet mamandary keskindeme, grafıka, qysh, kıiz jáne toqyma buıymdary, aǵash, teri, súıek jáne metaldan jasalǵan mádenı qundylyqtardy konservatsııalaý jáne qalpyna keltirý jumystaryn júrgizedi.
Kórmege qoıylǵan jádigerlerdiń ishinen zergerlik buıymdardy, aǵashtan, bylǵarydan jáne metaldan jasalǵan turmystyq zattardy; kıim, kilem-kıiz, qysh jáne farfor buıymdaryn da kórýge bolady. Atap aıtsaq, j.s.d. XIII-XII ǵasyrlarǵa jatatyn bilezik, XX ǵasyrdaǵy astaý, úkkishter, Quran Kárim kitaptary, belgili sýretshilerdiń kartınalary, zergerlik buıymdar, aıaq qaptar, basqurlar men tuskıizder t.b. bar.
