Ulttyq mýzeıde «Zergerlik óner» kórmesi ashylady

Bul kórme «Ǵasyrlar qoınaýynan syr shertken Qazaqstan» jobasy aıasynda Qazaqstan Respýblıkasynyń eńbek sińirgen mádenıet qaıratkeri, ónertanýshy Bahargúl Tólegenniń jeke kollektsııasyndaǵy antıkvarlyq zergerlik buıymdar toptamasynan uıymdastyrylǵan.

Zergerlik buıymdardy jasaý dástúri shyǵys elderinde, sonyń ishinde qazaq halqynda da ǵasyrlar boıy jalǵasyp kele jatqany belgili. Qymbat tastardy paıdalana otyryp, baǵaly metaldardan saqına, bilezik, baldaq, syrǵa jáne basqa da kóptegen buıymdardy jasaǵan sheberlerdiń jolyn jaǵastyrýshylar búgingi tańda da az emes. Atalǵan kórmede zergerlik ónerdiń nebir sheber týyndylary kelýshiler nazaryna usynylady.

Osy kórmeniń ashylýyna memleket jáne qoǵam qaıratkerleri, Parlament depýtattary shaqyrylyp otyr.

Aıta ketý kerek, Ulttyq mýzeı elordamyzdyń Táýelsizdik dańǵylyndaǵy 54 úıde ornalasqan. Atalǵan shara 13 qazan kúni saǵat 16.00-de №1 kórme zalynda ótedi.