Ulttyq mýzeıde «Uly dala perızattary» atty dızaınerler saıysy ótti

Shara qazaq halqynyń ulttyq kıim úlgilerin zamanǵa saı úılestirý maqsatynda uıymdastyrylyp otyr.

Konkýrsqa elimizdiń túkpir-túkpirinen Joǵary oqý oryndarynyń, kolledjderdiń stýdentteri men sán úıleriniń ókilderi qatysty.

«Sharany uıymdastyrýdaǵy basty maqsatymyz - qazaq halqynyń dástúrin jandandyrý. Eń birinshiden ulttyq kıimderimizdi jan jaqty tanytýymyz qajet. Azamattarymyz shetelge barǵanda olardyń Qazaqstannan ekenin bildirip turatyn aıryqsha kıim úlgisi bolýy tıis», - deıdi «Otbasym» ulttyq qundylyqtar ortalyǵynyń tóraıymy Sholpan Syzdyqova.

Onyń aıtýynsha, bolashaqta úzdik kıim úlgilerin kópshilikke qoljetimdi baǵamen satylymǵa shyǵarý kózdelip otyr.

«Ulttyq kıimderimiz kúndelikti ómirge ený úshin halyqtyń sanasyn birtindep ózgertý qajet. Qazirdiń ózinde otandyq shoý-bıznes ókilderi neofalklorlyq stıldegi kıimderge úlken qyzyǵýshylyq tanytýda», - deıdi ol.