Ulttyq mýzeıde «Úlken el - úlken otbasy» fotokórme ashylady
ASTANA. QazAqparat - Qazaqstan Respýblıkasy Ulttyq mýzeıinde Qazaqstanda bastalǵan qazaqstandyq birtektilik jáne jalpyulttyq birlikti qalyptastyrýǵa baǵyttalǵan jalpyulttyq «Úlken el - úlken otbasy» jobasy aıasynda Qazaqstan halqy Assambleıasymen birlesip uıymdastyrylǵan «Úlken el - úlken otbasy» fotokórmesiniń ashylýy ótedi, dep habarlaıdy QazAqparat Ulttyq mýzeıdiń baspasóz qyzmetine silteme jasap.
«Úlken el - úlken otbasy» jobasynyń ıdeıasyn Elbasy N.Nazarbaev Qazaqstan halqy Assambleıasynyń 22-sessııasynda usynǵan bolatyn. Joba qazaqstandyq birtektilikti jáne qoǵamdyq kelisimdi nyǵaıtýdyń bultartpaıtyn úlgi-nusqasy boldy.
Fotokórme tarıhı fenomendi - koreı, uıǵyr, nemis, ózbek teatrlarynyń óziniń etnıkalyq otanynan tys jerde memlekettik deńgeıde jumys jasaıtyn jalpyulttyq birliktiń jáne alýan túrli mádenıettiń qazaqstandyq modelin ashyp kórsetýge baǵyttalǵan.
Fototýyndylar ulttyq mádenıetterdiń ashyq boıaýlaryna qanyq: birinde kezekti ulttyq merekeniń saýyq-saırany, endi birinde ulttyq merekemiz - Naýryz, úshinshisinde - el ómirindegi jaýapty sát - saılaý jáne taǵy basqa kórinister beınelengen.
Ultaralyq, konfessııaaralyq kelisim, Qazaqstan halqynyń birligi syndy qazaqstandyq basty qundylyqtardy nasıhattaý Qazaqstan Respýblıkasy Ulttyq mýzeıiniń qyzmetindegi basymdylyqtardyń biri. Elimizdiń kópultty úlken otbasy ómirleri eldiń tolyqqandy ómirine kelip qosylatyn, ózine de, týystary men jaqyndaryna da, qoǵamǵa da paıda keltiretin kóptegen otbasylardan turady.
Kórme 2016 jyldyń 25 qarashasy kúni da saǵat 11:00-de ashylady.
