Ulttyq mýzeıde O.Súleımenovtiń 80 jyldyq mereıtoıyna arnalǵan konferentsııa ótedi

ASTANA. QazAqparat - Erteń QR Ulttyq mýzeıiniń úlken konferents-zalynda Oljas Súleımenovtiń 80 jyldyq mereıtoıyna arnalǵan «O. Súleımenov poezııasyndaǵy tarıh jáne taǵylym» atty ǵylymı konferentsııa ótedi, dep habarlaıdy Ulttyq mýzeıdiń aqparattyq-ımıdjdik qyzmeti.

Konferentsııaǵa Qazaqstan Respýblıkasy Mádenıet jáne sport mınıstirligi, Qazaqstan Respýblıkasy Bilim jáne ǵylym mınıstrligi, alys jáne jaqyn shetelderdiń memleket jáne qoǵam qaıratkerleri, qoǵamdyq uıymdardyń ókilderi, joǵary oqý oryndarynyń basshylary, qyzmetkerleri men stýdentteri, ǵalymdar, BAQ ókilderi qatysady.

Qazaqstan Respýblıkasy mádenıet jáne sport mınıstri A. Muhamedıulynyń alǵy sózinen keıin Qazaqstan Respýblıkasy Ulttyq mýzeıi dırektory D. Myńbaı baıandama jasaıdy.

Oljas Omaruly dúnıe júzine tanymal aqyn, jazýshy, qoǵam qaıratkeri, «Nevada-Semeı» qozǵalysynyń bastaýshysy, ǵalym, saıasatker.

Іs-shara barysynda Oljas Omarulynyń jazǵan muralaryn jańa tyń derekter negizinde zerdeleý, jastardyń boıynda otanshyldyq pen patrıottyq sezimderin arttyrý, qazaq memlekettiliginiń qalyptasýyna jáne damý kezeńderine qosqan úlesin ǵylymı turǵyda negizdeý kózdelip otyr.

Ǵylymı konferentsııa barysynda O. Súleımenovtiń shyǵarmashylyǵy men ómiri týraly syr shertetin foto jáne kitap kórmelerin tamashalaýǵa múmkindik bar. Іs-shara barysynda kelgen qonaqtarǵa Ulttyq mýzeı zaldary boıynsha ekskýrsııa júrgiziledi.