Ulttyq mýzeıde Naýryzdyń shyǵý tarıhy týraly qoıylym kórsetildi
ASTANA. QazAqparat - Qazaqstan Respýblıkasynyń Ulttyq mýzeıinde Ulystyń Uly kúnine arnalǵan «Ańyz áleminde» atty arnaıy teatrlandyrylǵan qoıylymdary bastaldy. Bul týraly QazAqparat mýzeıdiń baspasóz qyzmetine silteme jasap habarlaıdy.
Qoıylym Naýryzdyń shyǵý tarıhy týraly ejelgi ańyzdyń jelisimen uıymdastyrylǵan. Onyń barysynda balalarǵa ulttyq oıyndar oınatylyp, shashý, qyzdar men jigitterdiń bir-birine selt etkizer men uıqyashar syılaý, kórisý dástúrleri kórsetiledi.
«Qoıylymnyń maqsaty - Naýryz merekesine qurmetpen qaraýǵa, álemde jáne Qazaqstan jerinde dostyqty nyǵaıtýǵa, ultaralyq mádenı qarym qatynasty, búldirshinderdi qazaq halqynyń mádenı murasyna qurmetpen qaraýǵa tárbıeleý», - delingen habarlamada.
Alǵashqy kúni Astana qalasynyń arnaıy qajettilikteri bar balalary shaqyryldy. Qoıylymnyń sońynda balalarǵa qurt, jent, táttiler taratyldy.
