Ulttyq mýzeıde músinshi Alekseı Chetverıkovtyń kórmesi ashyldy
ASTANA. QazAqparat -Búgin QR Ulttyq mýzeıinde músinshi Alekseı Chetverıkovtyń «Jan kúızelisi» atty kórmesi ashyldy, dep habarlaıdy QazAqparat Ulttyq mýzeıdiń baspasóz qyzmetine silteme jasap.
Ekspozıtsııaǵa músinshiniń aǵash, metall, mármár, súıek syndy ártúrli materıaldarmen jumys jasaý barysyndaǵy asqan sheberligin kórsetetin 250-ge jýyq týyndylar qoıylǵan.
Alekseı Chetverıkov (1956-2015) - Qazaqstan Sýretshiler odaǵynyń múshesi. Mamandyǵy boıynsha áskerı ol, naǵyz qalaýyn ónerden tapty. Ol aınaǵa arnalǵan jaqtaýlar, qobdıshalar, ártúrli áshekeıler men aksessýarlar syndy alǵashqy jumystaryn aǵashtan oıyp jasady.
Músinshi 80-jyldardyń sońynda bólshekterin muqııat pysyqtap alyp, kúrdeli kórkemdik kompozıtsııa jasaıtyn qoladan quıatyn, ózi úshin jańa tehnıka tapty. Kórmege qoıylǵan týyndylar shynynyń synǵyshtyǵyna, metaldyń beriktigine qaramaı, avtordyń ártúrli materıaldarmen jumys jasaı altynyn kórsetedi.
Alekseı Chetverıkov sońynda ónertanýshylardyń joǵarǵy kórkemdik baǵasyn alǵan úlken mura qaldyrdy. «Jan kúızelisi» kórmesi talantty, daryndy músinshi Alekseı Chetverıkovtyń tulǵa retinde kópqyrly ekenin kórsetedi.
