Ulttyq mýzeıde qazaqtyń ulttyq taǵamdaryn zertteıtin laboratorııa ashylady
ASTANA. QazAqparat - Ulttyq mýzeıde qazaqtyń ulttyq taǵamdaryn zertteıtin laboratorııa ashylady. Bul týraly búgin akademık Tóregeldi Sharmanovpen kezdesý kezinde Ulttyq mýzeıdiń dırektory Darhan Myńbaı aıtty, dep habarlaıdy kazmuseum.kz saıty.
Akademık T.Sharmanovtyń aıtýynsha, mýzeıdegi ulttyq taǵamdar ekspozıtsııasynda jylqy eti men saýmaly jəne qymyzy keńinen nasıhattalý kerek.
«Jylqynyń saýmaly teri aýrýlaryna em. Osyny bilgen qazaqtar saýmal iship, teri aýrýlarymen aýyrmaǵan. Qazaqtar kóńil kóterý úshin de qymyz ishken. Babyna kelgen qymyzda adamǵa rahat syılaıtyn dərýmender bar. Tipti, orys jazýshysy Lev Tolstoı əıelimen renjisken kezde úıinen ketip qalyp, aptalap qymyz iship jatady eken. L.Tolstoı qymyzdyń júıkeni tynyshtandyratyn qasıeti bar ekenin bilgen. Osyndaı derekterdi eskere otyryp, qymyzǵa erekshe mən berý kerek. Biz qazirgi ýaqytta saýmaldan balmuzdaq jasap shyǵardyq. Jastar osy balmuzdaqty jese, túrli ekologııayq aýrýlarmen aýyrmas edi»,- dedi T.Sharmanov.
Akademıktiń sózine mýzeı dırektory Darhan Myńbaı pikirin bildirdi. «Ulttyq mýzeı qazaqtyń ulttyq taǵamdaryn zertteıtin bolady. Bul iske Tóregeldi Sharmanov aǵamyz basqaryp otyrǵan Taǵamtaný akademııasy keńesshi bolady»,- dedi D.Myńbaı.
Aıta keteıik, ulttyq taǵamdardy zertteý isin «Halyq qazynasy» ınstıtýtynyń dırektory Aqan Ońǵar uıymdastyrdy.
