Ulttyq mýzeıde «Qazaqtyń alǵashqy akademııalyq arheologııalyq ekspedıtsııasyna - 70 jyl» atty shara ótedi
ASTANA. QazAqparat - Qazaqstan Respýblıkasy Ulttyq mýzeıinde sáýirdiń 29 kúni «Qazaqtyń alǵashqy akademııalyq arheologııalyq ekspedıtsııasyna - 70 jyl» atty is-shara ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
Ortalyq Qazaqstan arheologııalyq ekspedıtsııasy 1946 jyly QazSSR Ǵylym Akademııasynyń prezıdent Q.Sátbaevtyń bastamasymen uıymdastyrylǵan bolatyn. Ekspedıtsııany kóp jyldar boıy belgili entsıklopedıst-ǵalym, akademık Á.Marǵulan basqardy. Kóp jyldyq jumystardyń nátıjesinde tas dáýirinen bastap ortaǵasyrlyq kezeńderge tán tarıhı mańyzy joǵary eskertkishter zertteldi. Ǵylymı eńbekter jarııalandy. Sondaı-aq, Ortalyq Qazaqstanda Beǵazy-Dándibaı jáne Tasmola mádenıetteri ashyldy.
Іs-shara barysynda Ortalyq Qazaqstan arheologııalyq ekspedıtsııasynyń belgili jetekshileri men qatysýshylaryna arnalǵan kórme uıymdastyrylady. Onda ǵalymdardyń ekspedıtsııalyq ómir sátterinen syr shertetin sırek fotolar usynylady. Sonymen qatar, akademık Á.Marǵulannyń jáne K.Aqyshevtyń sóılegen sózderi bar beınejazba kórsetiledi.
