Ulttyq mýzeıde «Qazaqstan tarıhy» zaly qaıta jańǵyrtyldy
«Bul zal 2014 jyly ashyldy, araǵa 6 jyldy salyp qaıta jańǵyrtýdan ótip otyr. Kelýshilerdiń qazaqtyń orta, jańa jáne qazirgi zamandaǵy tarıhymen tanysý múmkindigi bar. Odan bólek, HІІІ-HH ǵasyrlar aralyǵynda ómir súrgen uly tulǵalardyń ómiri men qyzmeti, shyǵarmashylyǵynan syr shertetin qundy jádigerler qoıylǵan. Jalpy ekspozıtsııalyq zal birneshe taqyryptyq bólimnen turady. Olardyń ishinde óte qundy jádigerler de bar. Atap aıtqanda, Tóle bı, Qazybek bı jáne Abylaı hannyń shapany, sol tulǵalar qoldanǵan mórlerdiń kóshirmesi, sonymen qatar qarý-jaraqtardy ereksheleýge bolady» - dedi QR Ulttyq mýzeıi «Qazaqstan tarıhy» bóliminiń aǵa ǵylymı qyzmetkeri Syrym Hasenov.
Onyń aıtýynsha, atalǵan zalda 300-den astam jádiger qoıylǵan.
«Zaldy qaıta jańǵyrtý jumysyna mýzeı jáne sala mamandary tartyldy, sondaı-aq bilikti tarıhshylarmen keńes ótkizildi. Jańalaý jumysy 1 jylǵa jýyq ýaqyt jumsalyp, búgin mine mereke qarsańynda kópshilik nazaryna saltanatty túrde ashyp otyrmyz», - dedi ol.
Aıta ketsek, Ulttyq mýzeıde HІІІ-HH ǵasyrlardaǵy «Qazaqstan tarıhy» zalynyń saltanatty ashylý is-sharasy Abaıdyń 175 jyldyǵy, Ábý Nasyr ál-Farabıdyń 1150 jyldyǵy, Uly Otan soǵysy Jeńisiniń 75 jyldyǵy jáne Táýelsizdik kúnine oraı uıymdastyrylyp otyr.
