Ulttyq mýzeıde «InDiGo» kórkemsýret mektebi tárbıelenýshileriniń kórmesi ótedi
ASTANA. QazAqparat - Erteń saǵat 12:00-de Qazaqstan Respýblıkasy Ulttyq mýzeıinde balalardyń «InDiGo» kórkemsýret mektebiniń «Indıgo tústes ómir» atty alǵashqy kórmesiniń ashylýy bolady, dep habarlaıdy QazAqparat Ulttyq mýzeıdiń baspasóz qyzmetine silteme jasap.
Kórmege kórkemsýret stýdııasy shákirtteriniń keskindeme, grafıka, sándik-qoldanbaly óner jáne músin baǵyttaryndaǵy týyndylary qoıylady. Oǵan 5-17 jas aralyǵyndaǵy 150-den astam oqýshy qatysady.
Aıta keteıik, balalardyń «InDiGo» kórkemsýret mektebi 2011 jylǵy qyrkúıekte quryldy. Osy ýaqyt aralyǵynda stýdııadan 600-den astam shákirt oqydy jáne búgingi tańda 250-ge jýyq shákirt bilim alýda. Stýdııanyń oqýshylary beıneleý óneri boıynsha respýblıkalyq jáne halyqaralyq baıqaýlarda joǵary jetistikterge qol jetkizdi. Olardyń arasynda álemdik bedeldi baıqaýlardyń ártúrli atalymdaryndaǵy 70-ten astam júldeli oryndary, 200-den astam fınalǵa qatysýshylardyń gramotalary jáne qatysýshy sertıfıkattary bar. Stýdııa shákirtteriniń Qazaqstannyń jáne shetelderdiń eń úzdik oqý oryndaryna oqýǵa túsýi - bul mańyzdy faktor sanalatyn stýdııanyń maqtanyshy.
Stýdııadaǵy sabaqtar balalardyń jas erekshelikterin jáne shyǵarmashylyq daǵdylaryn eskerip jasalǵan derbes baǵdarlama boıynsha júrgiziledi. Ataqty sýretshiler men sándik-qoldanbaly óner sheberleri stýdııanyń shákirtteri úshin de, ustazdary úshin de sheberlik synyptaryn ótkizý, qundy tájirbıe almasý úshin shaqyrylady.
Astana qalasynyń galereıalary men mýzeılerine birlesip barý syndy kóshpeli sharalar da uıymdastyrylady. Maýsym aıynda balalar tabıǵatty salýdy úırenetin, daladaǵy kórinisterdi beıneleý tásilderin, tabıǵı tústerdi, tabıǵat qubylystarynyń zańdylyqtaryn, ósimdikterdiń, jándikterdiń, janýarlardyń, adamdardyń qurylymyn zertteıtin qala kóshelerindegi plener syndy jazǵy tájirbıe ótkiziledi. Eresek topta (12-17 jas) pleneler kóshpeli bolyp qalamyzdyń kórikti oryndarynda ótedi.
