Ulttyq mýzeıde Gratsıano Arıchıdiń «Venetsııa. Álemdik mádenıettegi tulǵalar» halyqaralyq kórmesi ashylady
ASTANA. QazAqparat - QR Ulttyq mýzeıinde sáýirdiń 27 kúni Qazaqstan Respýblıkasy Mádenıet jáne sport mınıstrligi men Italııanyń Qazaqstandaǵy Elshiliginiń uıymdastyrýymen Gratsıano Arıchıdiń «Venetsııa. Álemdik mádenıettegi tulǵalar» halyqaralyq kórmesi ashylady, dep habarlaıdy Ulttyq mýzeıdiń aqparattyq-ımıdjdik qyzmeti.
«Venetsııa. Álemdik mádenıettegi tulǵalar» kórmesi Arıchıdiń týǵan qalasyna arnalǵan. Kórme avtordy fotograf jáne sýret kollektsıoneri qyrynan kórsetetin eki bólimnen turady. Kóp jyldyq eńbeginiń nátıjesinde Arıchıde Venetsııada bolǵan eń ataqty sýretshilerdiń, sáýletshilerdiń tutastaı portrettik galereıasy jınaldy. Onyń sýretteriniń keıipkerleri - Iozef Boıs jáne Harald Zeeman, Sındı Sherman jáne Rebekka Horn, Demıen Herst jáne Mark Kýınn, Frenk Gerı, Norman Foster jáne Zaha Hadıd.
Venetsııalyq Gratsıano Arıchı - Italııa mádenıetiniń eń kórnekti sýretshi-dokýmentalıstteriniń jáne muraǵatshylarynyń biri. Venetsııada 200 jyldan beri qyzmet atqaryp kele jatqan bedeldi Ateneo Veneto mádenıet qoǵamyna 2012 jyly saılanǵan alǵashqy sýretshi. Arıchıdiń sýretteri men reportajdary aldyńǵy qatardaǵy halyqaralyq jýrnaldarǵa jarııalanyp keledi. 1989 jyly Arıchı Berlın qabyrǵasynyń qulatylǵany týraly fotoreportaj daıyndady. 1994 jyly Shyǵys Germanııanyń iri kórkem óner ortalyqtarynda júrip jatqan ózgeristerdi jarııalady. Al 1995-1996 jyldary mádenıet pen kınematograf soǵys ýaqytynda da ómir súre beretinin dáleldep Bosnııa jáne Horvatııaǵa bardy.
Gratsıano Arıchı fotokórmesi ónerdi baǵalaýshylar úshin asa qyzyqty bolmaq.
