Ulttyq mýzeıde «Elin súıgen, eli súıgen Elbasy» fotokórmesi ótip jatyr

NUR-SULTAN. QazAqparat - Ulttyq mýzeı qonaqtaryna QR Tuńǵysh Prezıdenti kúnine arnalǵan «Elin súıgen, eli súıgen Elbasy» fotokórmesi usynyldy, dep habarlaıdy QazAqparat mýzeıdiń baspasóz qyzmetine silteme jasap

Atalǵan kórme fotosýretter arqyly Qazaqstan Respýblıkasynyń Tuńǵysh Prezıdenti Nursultan Nazarbaevtyń qyzmetin kórsete otyryp, qalyń kópshilikti Qazaqstannyń damý tarıhymen tanystyrdy. Kórmede Elbasynyń basty jetistikterin, jahandyq keńistiktegi ornyn aıqyndaıtyn fotoqujattar usynyldy.

«Asa kórnekti saıası qaıratker, zamanaýı Qazaqstan memleketiniń negizin qalaýshy, tarıhı tulǵa Nursultan Ábishuly Nazarbaev ózin Qazaqstan Respýblıkasynyń halqyna qyzmet etýge tutastaı arnady. Táýelsiz Qazaqstan jasap kele jatqan az ǵana ýaqyt ishinde bizdiń respýblıkamyz álemniń básekelestikke qabyletti 50 ekonomıkasynyń tizimine kirdi. Qazaqstan Respýblıkasynyń Tuńǵysh Prezıdenti ulttyń jasampazdyq áleýetin nyǵaıtyp, qoǵamdy asa qýatty serpiliskejumyldyra bildi. Qazaqstan N.Nazarbaevtyń kóp máseleli jáne úılestirilgen syrtqy saıasatynyń arqasynda memlekettiń odan ári damýy úshin mańyzdy jetistikter men qolaıly jaǵdaılarǵa qol jetkizdi» delingen habarlamada.

Ótken onjyldyqtar ishinde Elbasynyń jeke muraǵaty júzdegen qujattarmen, fotosýrettermen jáne beınematerıaldarmen tolyǵyp, solardyń negizinde elimizdiń barlyq mádenı salasynyń damý jáne jetistikter tarıhynyń retrospektıvti kelbeti qalyptasty.