Ulttyq mýzeıde Aman Muqajanovtyń óner týyndylarynyń kórmesi ashyldy

ASTANA. QazAqparat - Keshe Qazaqstan Respýblıkasy Ulttyq mýzeıinde Táýelsizdiktiń 25 jyldyǵy qarsańynda sýretshi, qolóner sheberi Aman Muqajanovtyń «Dala ańyzy» atty sándik-qoldanbaly óner týyndylary kórmesiniń ashylý saltanaty ótedi, dep habarlaıdy QazAqparat.

Kórmede avtordyń 200-den astam qoldan jasalǵan buıymdary qoıylǵan.

Olardyń qatarynda syrǵa, saqına, bilezik, tanamonshaq, alqa syndy áshekeıler bar. Kórmege áshekeı buıymdarmen qatar, sýretshiniń qarym-qabiletinen habar beretin sýret jáne grafıka, ınstolıatsııa sııaqty sándik qoldanbaly óner týyndylary qoıylǵan.




Aman Muqajanov 1987 jyly Almaty memlekettik teatr jáne kórkem sýret ınstıtýtynyń sándik-qoldanbaly óner fakýltetin támamdaǵan. Qazaqstan Respýblıkasy sýretshiler Odaǵynyń jáne dızaınerler Odaǵynyń múshesi. Kóptegen halyqaralyq, respýblıkalyq kórme jobalarynyń qatysýshysy. Halyqaralyq zergerlik óner kórmeleriniń qurmet gramotalary men baǵaly syılyqtaryn ıelengen.

Aman Muqajanovty tabıǵattyń ásemdigi men adam balasynyń boıyndaǵy qarapaıymdylyq sekildi qasıetter qyzyqtyrady. Avtor osynaý qyzyǵýshylyǵynyń arqasynda óziniń sheberligin shyńdap, sýret óneriniń jańa qyrlaryn izdeýde. Qazirgi tańda sýretshi sándik ónerde metaldy qoldanýdyń jáne óńdeýdiń jańa tehnologııalarymen jumys isteýde.