Ulttyq mýzeı jańa jádigerlermen tolyǵady
ASTANA7 QazAqparat - Qazaqstan Respýblıkasynyń Ulttyq mýzeıinde Belarýs Respýblıkasynyń Ulttyq tarıhı mýzeıi qorynan Qazaqstan Respýblıkasynyń Ulttyq mýzeıine ýaqytsha kórmege qoıý úshin etnografııalyq jáne turmystyq buıymdar kollektsııasyn tapsyrý rásimi ótti. Bul týraly Habar 24.kz mýzeıdiń baspasóz qyzmetine silteme jasap habarlady.
«Belarýs Respýblıkasynyń Ulttyq tarıhı mýzeıinen etnografııalyq jáne turmystyq buıymdar kollektsııasyn Qazaqstan Respýblıkasynyń Ulttyq mýzeıine tapsyrý men úshin úlken qýanysh. Bul kollektsııadaǵy negizgi buıym retinde men ulttyq áıel kıimin aıta alamyn. Óıtkeni kıimdi, ásirese áıel kıimin kez kelgen ulttyń turmysy men salt-dástúriniń aınasy deýge bolady. Búgingi biz syıǵa tartyp otyrǵan kollektsııa mýzeıge kelýshilerge Belarýs eliniń mádenıetin tolyq ashyp beredi degen senimdemin!» -dep sózin túıindedi Belarýs Respýblıkasy Prezıdenti Ákimshiliginiń basshysy Natalıa Kochanova.
Belarýstiń halyq shyǵarmashylyǵynyń jalpy kórinisinde súlgiler kóne zamannan beri belgili jáne erekshe oryn alady. Olar árdaıym turmystyq qoldanys maqsatynda ǵana emes, sonymen birge turǵyn úıler men ıkondardy bezendirýde, sondaı-aq úılený, jerleý rásimine jáne basqa rásimderde keńinen qoldanylǵan. Belarýs Respýblıkasynan syıǵa tartylatyn qolóner týyndylary Ulttyq mýzeıdiń «Qazaqstan halqy Assambleıasynyń tarıhy jáne kópultty Qazaqstan» zalynyń, Belarýs halqyna arnalǵan bóligine qoıyldy.
Qazaqstan Respýblıkasy Ulttyq mýzeıi men Belarýs memleketi mýzeıleri arasyndaǵy baılanys belsendi túrde damyp keledi. 2017 jyldyń sáýirinde Qazaqstan Respýblıkasynyń Ulttyq mýzeıinde «Lıssabonnan Mınsk arqyly, Máskeý, Astanadan Vladıvostokqa deıin» kórmesiniń ashylý rásimi ótti.
Bul joba Belarýs Respýblıkasynyń Qazaqstandaǵy elshiligi men Qazaqstan Respýblıkasynyń Ulttyq mýzeıiniń birlesken jumysynyń nátıjesi boldy. Sondaı-aq Ulttyq mýzeıde 2016 jyly Belarýs eliniń fotosýretshisi Marına Batıýkovanyń «Sýla. Úzdiksiz» kórmesi sátti ótken bolatyn.
