Ulttyq mýzeı «Mýzeıler túni» aktsııasyn onlaın formatta ótkizedi
NUR-SULTAN. QazAqparat - Halyqaralyq mýzeıler kúnine oraı jyl saıyn 18 mamyrda ótetin «Mýzeıler túni» aktsııasy bıyl karantınge baılanysty onlaın formatta ótedi, dep habarlaıdy QazAqparat QR Ulttyq mýzeıine silteme jasap.
Onlaın jıyndy 18 mamyrda saǵat 17:00-21:00 aralyǵynda ótkizý josparlanǵan.
«Mýzeıler túni» aktsııasy QR Ulttyq mýzeıinde 5 jyl boıy uıymdastyrylyp keledi. 2015 jylǵy alǵashqy aktsııaǵa 23 myń adam qatyssa, 2016 jylǵy 18 mamyrda - Ulttyq mýzeıge 30 myńnan astam adam kelgen. 2017 jyly bul aktsııa 2 ret ótti. Onyń alǵashqysy «Naýryz» merekesine oraı «Naýryz – jańǵyrý nyshany» degen taqyryppen uıymdastyrylyp, ekinshisi - Halyqaralyq mýzeıler kúnine arnaldy», - dep habarlady Ulttyq mýzeıdiń baspasóz qyzmeti.
Bıylǵy «Mýzeı túni» sharasy «Bir birgemiz» taqyrybynda áleýmettik paraqshalar arqyly júrgiziledi.
«Aktsııa Ulttyq mýzeı dırektory Arystanbek Muhamedıulynyń quttyqtaýymen bastalady. Baǵdarlama barysynda kórermender nazaryna mýzeı zaldary boıynsha túsirilgen «Uly Dala jaýharlary» jáne «Ulttyq mýzeı – ult aınasy» atty suhbattar men derekti fılmder usynylady. Sonymen birge, QR Ulttyq mýzeıi boıynsha vırtýaldy ekskýrsııa uıymdastyrylyp, Qasıetti Qazaqstan boıynsha beınerolıkter kórsetiledi», - delingen habarlamada.
Aıta keteıik, Halyqaralyq mýzeı kúni merekesi 1977 jyly Halyqaralyq mýzeıler keńesiniń Bas konferentsııasynda bekitilgen. Atalǵan dataǵa oraı 1997 jyly alǵashqy «Mýzeı túni» sharasy Berlın qalasynda ótti.
