Ulttyq mýzeı qyzmetkerleri naýryz merekesinde dastarhan jaıyp, tól mádenıetimizdi nasıhattaıdy
ASTANA. QazAqparat - 16 naýryz kúni Qazaqstan Respýblıkasy Ulttyq mýzeıinde «Naýryz - bereke bastaýy» atty dóńgelek ústel ótedi, dep habarlady mýzeıdiń baspasóz qyzmetinen.
Shara sheńberinde «Qaýyshý» rásimi jasalyp, qonaqtarǵa arnaıy mýzeıge ekskýrsııa uıymdastyrylady.
Dóńgelek ústelge Parlament Májilisiniń depýtattary - Zýhra Saıapova, Meıram Begentaev, Murat Ahmadıev, Rozaqul Halmuradov, sondaı-aq, QR Mádenıet jáne sport mınıstrligi, Mádenıet jáne óner isteri komıtetiniń tóraıymy Aqtoty Raıymqulova, L.N. Gýmılev atyndaǵy Eýrazııa ulttyq ýnıversıtetiniń professory Serik Negımov, tarıh ǵylymdarynyń doktory, professor Jambyl Artyqbaev syndy belgili azamattar qatysady. Dóńgelek ústel sońynda qatysýshylar úndeý jarııalaıdy. Sol arqyly «Biz birgemiz! My vmeste!» aktsııasyn qolǵa alyp, meıram kúnderi kórshilerdi, áriptesterdi merekelik dastarhanǵa shaqyryp, tól mádenıetimiz ben dástúrimizdi nasıhattaýdy usynady.
