Ulttyq muramyz jańa án-kúılermen tolyqty
Qazaq halqynyń mádenı murasy búginge deıin beımálim bolyp kelgen halyq ánderi jáne kúılerimen tolyqty, dep habarlady 24.kz.
Mońǵolııanyń Baıanólgeı aımaǵynyń shalǵaı aýyldaryna arnaıy ekspedıtsııa jasaǵan Temirbek Júrgenov atyndaǵy Qazaq ulttyq óner akademııasynyń ustazdary men stýdentteri jańa ánder men kúılerdi alyp qaıtty. Baıanólgeı aımaǵyna birneshe jyl qatarynan ekspedıtsııany bastap barǵan professor Qaıyrǵazy Tólenniń aıtýynsha, qazaqtyń qaımaǵy buzylmaǵan ortada jaryqqa shyqpaǵan týyndy kóp. Ǵalym buǵan deıin tyń kúılerdi jınap, notaǵa túsirip, baspadan shyǵarǵan edi. Al bıyl sybyzǵymen oryndalatyn kúıler men dástúrli ánderge den qoıǵan. Ekspedıtsııa músheleri ásirese, mońǵolııalyq qandastarymyzdyń sýyrypsalma qabiletine qaıran qaldy. Ǵalymdar 20-dan astam án jáne sybyzǵy kúıin jazyp ákelgen. Endi qundy dúnıelerdi notaǵa túsirip, baspa betine shyǵarmaq. Demeýshi tabylsa, shyǵarmalardy úntaspaǵa jazý josparlanǵan.
