Ulttyq múddeni qorǵaýǵa baǵyttalǵan saıasatty joǵary kásibı deńgeıde júrgizemiz - Prezıdent

AQTAÝ. QazAqparat – Іshki saıasatta da, syrtqy saıasatta da asa qyraǵy bolýymyz kerek. Otanymyzdyń ulttyq múddelerin qorǵaýǵa baǵyttalǵan saıasatty joǵary kásibı deńgeıde júrgizemiz. Bul týraly QR Prezıdenti Qasym-Jomart Toqaev Mańǵystaý oblysy jurtshylyǵymen kezdesýinde aıtty.

«Shyn máninde, Otanymyz – bir, halqymyz da – bir. Bul – eń basty qaǵıdat. Qazaqstandy kóre almaıtyn elder bar ekenine bárimiz kýá bolyp otyrmyz. Sondyqtan, ishki saıasatta da, syrtqy saıasatta da asa qyraǵy bolýymyz kerek. Otanymyzdyń ulttyq múddelerin qorǵaýǵa baǵyttalǵan saıasatty joǵary kásibı deńgeıde júrgizemiz. Sóz reti kelgende men taǵy bir mańyzdy máselege arnaıy toqtalǵym keledi. Men eńbek qundylyǵy týraly únemi aıtyp júrmin. Bizdiń qoǵamda eńbek adamy eń qurmetti adam bolýǵa tıis. Árkimge eńbegine saı, laıyqty jalaqy tólenýi kerek. Eńbektiń qadirin biletin jurt qana eńbekqor ultqa aınalady. Bul – men úshin myzǵymas ustanym», - dedi QR Prezıdenti.

Foto: t.me/bort_01