Ulttyq mereke qarsańynda Semeıde 500-ge jýyq aǵash otyrǵyzyldy

SEMEI. QazAqparat – Respýblıka kúnine oraı Semeı qalasynda 500-ge jýyq aǵash otyrǵyzyldy. Bul týraly Abaı oblysy ákimdiginiń baspasóz qyzmetinen málim etti, dep habarlaıdy QazAqparat tilshisi.

Ákimdik dereginshe, búgin atalǵan shahardaǵy aspaly kópir astyndaǵy demalys oryny aýmaǵynda alma jáne 50 túp shyrsha kóshetteri egelgen.

«Semeı qalasy kezinde elimizdiń eń jasyl qalalarynyń biri bolǵan. Endi oblys ortalyǵy statýsyn alǵan kezde shahardy burynǵydaı jasyl jelegi mol, saıaly etetin bolamyz. Aldaǵy jyldary budan da kóp aǵash, buta otyrǵyzylatyn bolady. Jalpy mereke qarsańynda Semeı qalasynda 478 aǵash, 100 buta egildi», - dep atap ótti Nurlan Uranhaev.

Aıta keteıik, aspaly kópir astyndaǵy qoǵamdyq keńistik osydan bir aı buryn ashylǵan. Onda sport jáne parkýr alańdary men shaǵyn saıabaq bar.

Foto: t.me/abai_oblysynyn_akimdigi