Ulttyq mereke qarsańynda Abaı oblysynda 13 úıdiń irgetasy qalandy

SEMEI. QazAqparat – Respýblıka kúni qarsańynda Abaı oblysynyń Aqsýat aýdanynda 13 turǵyn úıdiń irgetasy qalanyp, qurylysy bastaldy. Bul týraly atalǵan óńir ákimdiginiń baspasóz qyzmetinen málim etti, dep habarlaıdy QazAqparat tilshisi.

«Aqsýat aýdanyndaǵy 26 páterli 13 baspananyń qurylysy bastaldy. Aqsýat aýylyndaǵy áleýmettik turǵydan az qamtylǵan otbasylarǵa arnalǵan úılerdiń dızaıny da tartymty etip jasalmaq. Ár páterdiń jalpy aýmaǵy 85 sharshy metr bolady», - dep málim etti jergilikti quzyrly organnyń baspasóz qyzmetinen.

Aıta ketsek, Ulttyq mereke qarsańynda Semeı qalasynda 64 otbasyǵa páter kilti tabys etilgen bolatyn. Turǵyn úı shahardaǵy «Qaraǵaıly» shaǵyn aýdanynda ornalasqan.

Sonymen qatar, osy kúnderi Pavlodar oblysynda kezekte turǵan kópbalaly jáne tolyq emes 108 otbasy baspanaly boldy.

Merekege oraı, Qaraǵandy oblysynda da mádenıet jáne óner salasynyń 40 qyzmetkerine páter kiltteri tabystaldy.