Ulttyq medıtsınalyq holdıngtiń klınıkalaryna óńirlerden kelgen naýqastar sany 71 paıyzdy qurady
ASTANA. 10 tamyz. QazAqparat - 2012 jyldyń І jartyjyldyǵynda holdıngtiń klınıkalaryna óńirlerden kelgen naýqastar sany 71 paıyzdy qurady, dep habarlady «Ulttyq medıtsınalyq holdıng» AQ basqarma tóraǵasynyń orynbasary Lázzat Aqtaeva pm.kz saıtyna bergen suhbatynda.
«Osy jyldyń ótken merzimi ishinde óńirlerden kelgen naýqastar sany 71 paıyzdy qurady, bul 2011 jylǵa qaraǵanda 24 paıyzǵa artyq», - deıdi Lázzat Aqtaeva.
Mańǵystaý, Ońtústik Qazaqstan jáne Soltústik Qazaqstan oblystarynda medıtsınalyq kómektiń qoljetimdiligin arttyrý úshin І jartyjyldyqta Ulttyq medıtsınalyq holdıng kúni ótkizilgen bolatyn. Osy ýaqyt aralyǵynda Respýblıkalyq sanavıatsııany úılestirý ortalyǵy 350 ushýdy júzege asyryp, aýyr haldegi 460 naýqasqa kómek kórsetildi.
«Sapar barysynda mamandar keńester berdi, operatsııalar jasady, sheberlik sabaqtary men lektsııalar ótkizdi, sóıtip joǵary mamandandyrylǵan kómekti el ishine barynsha jaqyndatty», - dep qosty L.Aqtaeva.
Jarty jyl ishinde holdıng klınıkalarynda Biryńǵaı ulttyq densaýlyq saqtaý júıesiniń tegin medıtsınalyq kómektiń kepildi kólemi sheńberinde 18 myń naýqasqa em jasaldy, bul byltyrǵydan 3,5 ese kóp. Budan basqa, jurtshylyqqa 420 myń ambýlatorlyq dıagnostıkalyq keńes berildi.
Ulttyq medıtsınalyq holdıng jalpy tósek qory 1396 bolatyn 6 ınnovatsııalyq densaýlyq saqtaý nysandaryn biriktiredi. Onyń quramyna Ana men bala ulttyq ǵylymı ortalyǵy, Respýblıkalyq balalardy ońaltý ortalyǵy, Respýblıkalyq dıagnostıkalyq ortalyq, Respýblıkalyq neırohırýrgııa ǵylymı ortalyǵy, Respýblıkalyq jedel járdem ortalyǵy jáne Ulttyq ǵylymı kardıohırýrgııalyq ortalyq kiredi. 2016 jylǵa qaraı holdıng bazasynda Ulttyq ǵylymı onkologııalyq ortalyq ashý josparlanýda.
