Ulttyq medıtsınalyq holdıngi shetelde bilim alatyn dárigerler qataryn 2 esege ulǵaıtpaq
ASTANA. 16 aqpan. QazAqparat - Kásibı resýrstardy damytý holdıng aldyndaǵy jańa strategııanyń mańyzdy baǵyty bolyp tabylady, dep habarlady Pm.kz saıtyna bergen arnaıy suhbatynda «Ulttyq medıtsınalyq holdıng» AQ basqarma tóraǵasy Eljan Birtanov.
«Ótken jyly bizdiń holdıngtan shamamen 7 myń qazaqstandyq dáriger oqýdan ótse, onyń ishinde 4,5 myń adam elimizdiń óńir-óńirlerinen kelgen. Kóshpeli semınarlar, sheberlik synyptary, konferentsııalar arqasynda olar úzdiksiz bilim alyp otyrdy», - dedi E.Birtanov.
Sonymen qatar, basqarma tóraǵasy atap ótkendeı, jyl saıyn dárigerlerdi qaıta daıarlaýǵa qomaqty qarjy ınvestıtsııalanyp, olardy oqytý júrgiziledi. Holdıngte barlyǵy 800 dáriger eńbek etedi.
«Biz dárigerlerimizdi shetelde bilim alýǵa jiberemiz. Mysaly, 2011 jyly 160-tan astam adam basqa elderge bilim alýǵa ketti.2012 jyly biz shetelge shyǵatyn aq halattylar qataryn 2 esege arttyrýdy kózdep otyrmyz», - dedi E.Birtanov.
«Biz sáıkes memorandýmdarǵa qol qoıyp, qujattar aıasynda Koreıanyń ýnıversıtettik klınıkalary halyqaralyq medıtsınalyq qaýymdastyǵymen, Germanııadaǵy Charite klınkasymen, Belgııanyń Healthcare Belgium qaýymdastyǵymen yntymaqtastyq ornattyq. Túrkııadaǵy Duke University, Acibadem klınıkalary strategııalyq áriptester qatarynda. Bıyl biz iri reseılik ortalyqtarmen yntymaqtastyq ornatýdy josparlap otyrmyz», - dep túıindedi suhbatyn Ulttyq medıtsınalyq holdıng basshysy.
