Ulttyq medıtsınalyq holdıngi 90-nan astam balaǵa mektep kerek-jaraqtaryn tabys etti
TANA. 24 tamyz. QazAqparat /Gúlmıra Alıakparova/ - Búgin «Ana men bala ulttyq ǵylymı ortalyǵy» AQ-da «Balamyzdy mektepke daıyndaımyz» atty jyl saıynǵy qaıyrymdylyq aktsııasynyń qorytyndysy shyǵarylady.
Aktsııanyń uıymdastyrýshylary - «Nur Otan» HDP-nyń Astana qalalyq fılıaly men «Ulttyq medıtsınalyq holdıng» AQ. Aktsııanyń maqsaty - Ulttyq medıtsınalyq holdıngke enshiles uıymdarda jumys isteıtin qyzmetkerlerge balalaryn jańa oqý jylyna daıyndaýǵa qolǵabys etý. Onyń sheńberinde az qamtylǵan otbasylarda turatyn 90-nan astam balaǵa mektepke qajetti qural-jabdyqtar, arqa sómkeleri jáne keńse zattary satyp alyndy. Uıymdastyrýshylar bul maqsatqa barlyǵy 500 myńnan astam qarajat jumsady.
Mektep kerek-jaraqtaryn saltanatty jaǵdaıda «Ulttyq medıtsınalyq holdıngi» AQ-nyń basqarma tóraǵasy Eljan Birtanov tapsyrdy. E.Birtanov, «Nur Otan» partııasymen birlesken mundaı aktsııa holdıngte ekinshi jyl qatarynan uıymdastyrylyp otyrǵanyn atap ótti. Ol balalarǵa bilim joldarynda tek úzdik baǵalar tilep, erteńgi kúni eline eleýli, halqyna qalaýly azamattar bolatyndyǵyna senimin bildirdi.
