Ulttyq medıtsınalyq holdıng «Nazarbaev Ýnıversıtetiniń» Medıtsına mektebi úshin qyzmetkerler daıarlaýda
ASTANA. 12 tamyz. QazAqparat - Medıtsınalyq qyzmetterdiń sapasyn jaqsartý jáne patsıentterdiń qaýipsizdigin qamtamasyz etý úshin Ulttyq medıtsına holdıngi dárigerler men medıtsına qyzmetkerleriniń kadrlyq áleýetin arttyrý sharalaryn júrgizýde,
dep habarlady basqarma tóraǵasynyń orynbasary Lázzat Aqtaeva Pm.kz saıtyna bergen suhbatynda.
«Biz kadrlar áleýetin arttyrýǵa zor kóńil bólýdemiz jáne enshiles uıymdardyń professorlyq-oqytýshy quramyn oqytýdamyz», - dedi L.Aqtaeva.
Sonymen birge ol 2014 jyly holdıng janyndaǵy ortalyqtar «Nazarbaev Ýnıversıtetiniń» Medıtsına mektebiniń klınıkalyq bazasyna aınalady, dep atap ótti. Bul olardy osy deńgeıge sáıkes bolýǵa jáne medıtsınalyq praktıkadaǵy halyqaralyq tájirıbeni taratýǵa mindetteıdi.
«Dáriger zertteýshi, ǵalym, oqytýshy quziretine oqytylady. Bıylǵy jyldyń ózinde 98 dáriger men 60 medbıke osy quzyretke oqý úshin jetekshi álemdik ortalyqtarǵa jiberiledi», - dep atap kórsetti L.Aqtaeva.
Basqarma tóraǵasy orynbasarynyń aıtýynsha, 2012 jylǵy mamyr aıynyń ózinde 30 medbıke Lıtvanyń densaýlyq ǵylymdary ýnıversıtetinde medbıke isiniń standarttaryn oqyp-úırenýden ótti. Tamyz aıynda medbıkeler osy ýnıversıtetten keledi jáne holdıng klınıkalarynda jınaqtalǵan bilimderi men tájirıbesin taratady.
Tutastaı alǵanda, Ulttyq medıtsına holdınginiń bazasynda 6 aıda 1050 maman oqyp shyqty, olardyń ishinde 954 maman el aımaqtarynan keldi. «Biz ǵylymı-praktıkalyq konferentsııalar, sheberlik sabaqtaryn, semınarlar ótkizemiz. Bul sharalardyń barlyǵy kadrlyq áleýetti arttyrýǵa, «Bolashaq gospıtaly» brendine sáıkes bolý úshin enshiles uıymdarda medıtsınalyq qyzmet kórsetýdiń joǵary mádenıetin qalyptastyrýǵa baǵyttalǵan», - dep túıindedi L.Aqtaeva.
