Ulttyq medıtsınalyq holdıng dárigerlerdiń kásibı biliktiligin kóterýge jyl saıyn 180-200 mıllıon teńge jumsaıdy
ALMATY. 11 mamyr. QazAqparat /Erlik Erjanuly/ - Ulttyq medıtsınalyq holdıng byltyr 28,5 myń syrqatty emdep, 300 myńnan astam adamǵa dıagnostıkalyq-ambýlatorlyq qyzmet kórsetti. Bul búgin Almatyda densaýlyq saqtaý salasynyń HÚSh halyqaralyq «KIHE-2011» kórmesinde aıtyldy.
«Ulttyq medıtsınalyq holdıng Nazarbaev ýnıversıtetiniń bir bóligi. Byltyr bizde qyzmetterdiń 85 paıyzy kepildendirilgen memlekettik tegin medıtsınalyq qyzmetter boıynsha kórsetildi. Olardyń 60 paıyzyn aımaqtardyń turǵyndary qurady», - deıdi «Ulttyq medıtsınalyq holdıng» AQ-nyń Basqarma tóraǵasy Eljan Birtanov.
Onyń aıtýynsha, ulttyq medıtsınalyq holdıng jyl saıyn dárigerlerdiń biliktiligin kóterýge 180-200 mıllıon teńge jumsaıdy. Oǵan Qazaqstannyń túrli aımaqtarynan 2500-ge jýyq dáriger óz biliktiligin kóterip, 100 dáriger shet elge jiberiledi. Jańa qural-jabdyqtar satyp alýǵa ótken jyly olar 600 mıllıonnan astam teńge ınvestıtsııalaǵan edi. Bıyl oǵan 5 mıllıard teńge, al mamandardy oqytýǵa 180 mıllıon teńge bólinbek.
