«Ulttyq medıtsınalyq holdıng» Bilim kúnine oraı 125 balaǵa sertıfıkat tapsyrdy
ASTANA. QazAqparat - «Ulttyq medıtsınalyq holdıng» AQ-nyń barlyq enshiles uıymdary kásipodaq komıtetterimen birlese otyryp, «Balalardy mektepke daıyndaıyq» aktsııasynyń aıasynda holdıng qyzmetkerleriniń balalaryna sertıfıkattar tapsyrdy.
Aktsııaǵa oraı, Holdıngke qarasty barlyq uıymdardyń qyzmetkerleri arasynan kóp balaly otbasylar, bolmasa áleýmettik az qamtylǵan otbasylar tańdalǵan. Holdıng jınalǵan qarajatty 125 bala arasynda bólip, árqaısysyna 10 000 teńgeniń sertıfıkatyn tapsyryp otyr.
«Kele jatqan Bilim kúnine oraı bizdiń ujym «Balalardy mektepke daıyndaıyq!» atty aktsııa aıasynda kóp balaly otbasylarǵa jáne áleýmettik az qamtylǵan otbasylarǵa kómek retinde sertıfıkat tapsyryp otyr. Aktsııa aıasynda 125 balaǵa 10 000 teńgeniń sertıfıkaty beriledi. Bul aqsha ájeptáýir kómek bolady dep senemin. Jalpy, shara aıasynda 1 mln 200 myń teńge jınaldy. Endi bul sertıfıkatqa balalardyń ata-analary óz qalaýlaryna qarap, kıim-keshek, bolmasa mektep quraldaryn satyp alady»,-dedi «Ulttyq medıtsınalyq holdıng» AQ basqarma tóraǵasy Nurjan Otarbaev.
