Ulttyq medıtsınalyq holdıng Astananyń jańa ýnıversıtetiniń bir bóligine aınaldy
ASTANA. Naýryzdyń 31-i. QazAqparat /Jasulan Amanbaıuly/ - Elbasynyń jáne Úkimettiń uıǵarymymen Ulttyq medıtsınalyq holdıng Astananyń jańa ýnıversıtetiniń bir bóligine aınaldy.Bul týraly búgin Astananyń jańa ýnıversıtetiniń jumysyn uıymdastyrýǵa arnalǵan baspasóz máslıhatynda «Ulttyq medıtsınalyq holdıngi» AQ basqarmasynyń tóraǵasy Almas Sharman málim etti,
dep habarlaıdy QazAqparat.
Ýnıversıtettiń damý strategııasyna sáıkes, «Astananyń jańa ýnıversıteti» AQ-yn basqarý kompanııasynan birtindep ulttyq ǵylym-bilim keshenine aýystyrý kózdelgendigi budan buryn aıtylǵan bolatyn. Degenmen, sonyń ishinde oqý ornynda Ulttyq medıtsınalyq holdıng bazasynda medıtsınalyq ǵylymı-keshendi qurý týraly aqparat búgin alǵash ret jarııa etildi.
«Jaqynda Elbasynyń jáne Úkimettiń uıǵarymymen Ulttyq medıtsınalyq holdıngtiń quramyndaǵy klınıkalar men ortalyqtar Astananyń jańa ýnıversıtetiniń bir bóligine aınaldy. Endi holdıng pen ýnıversıtet aldynda yqpaldasqan, akademııalyq densaýlyq saqtaý júıesin qurý maqsaty tur. Bul bizdiń aımaq úshin teńdesi joq qubylys bolyp tabylady. Bul júıeniń túpki negizinde bilim berý salasynyń, ǵylymnyń jáne medıtsınalyq tájirıbeniń toǵystyrylýy qadamdaryn kóremiz», deıdi A. Sharman.
Onyń aıtýynsha, bul qadam - Qazaqstandaǵy jalpy medıtsınanyń sala retinde damýyna jáne medıtsınalyq qyzmetterdiń sapasyn joǵarylatatýǵa sózsiz paıdasyn beredi.
Sonymen qatar JOO quramynda Prezıdent atyndaǵy ýnıversıtet, álemdik deńgeıdegi ǵylymı ortalyqtar men endaýment-qory bolmaq.
