«Ulttyq medıtsınalyq holdıng» aktsıonerlik qoǵamy qaıyrymdylyq aktsııasyn ótkizbekshi
ASTANA. 18 sáýir. QazAqparat - «Ulttyq medıtsınalyq holdıng» aktsıonerlik qoǵamy 19-20 sáýir kúnderi «Nur Otan» halyqtyq demokratııalyq partııasymen birlesip, «Tekserýden ótip, aýrýdyń aldyn al» atty qaıyrymdylyq aktsııasyn ótkizedi,
dep habarlaıdy «Ulttyq melıtsınalyq holdıng» aktsıonerlik qoǵamynyń baspasóz qyzmeti.
Atalmysh sharaǵa «Ulttyq medıtsınalyq holdıng» aktsıonerlik qoǵamy men onyń enshiles uıymdarynyń turmysy tómen jáne kópbalaly otbasylarynyń ókilderi qatysa alady. Aktsııanyń maqsaty - emdeýdi qajet etetin adamdardy áleýmettik turǵydan qoldaý.
Osy kúni tańǵy 9-00-den keshki 17-00-ge deıin «Respýblıkalyq dıagnostıkalyq ortalyq» aktsıonerlik qoǵamynyń jetekshi mamandary azamattardy tegin qabyldaıdy. Sonymen qatar mamandar aktsııaǵa qatysýshylarǵa arnaıy keńes berip, ÝZI sııaqty apparattardyń kómegimen jáne ózge de tekserý sharalaryn júrgizedi.
