«Ulttyq medıtsınalyq holdıng» AQ dárigerleri elordalyq ardagerlerdi úılerinde tekserýden ótkizbek

ASTANA. 2 mamyr. QazAqparat - 3-4 mamyr kúnderi Uly Otan soǵysynyń 67 jyldyǵy qarsańynda, Ulttyq medıtsınalyq holdıng janyndaǵy «Nur Otan» HDP fılıaly astanalyq UOS ardagerleri úshin kóshpeli utqyr dárigerler tobyn uıymdastyrady.

Bul kúnderi «Respýblıkalyq  jedel medıtsınalyq járdem kórsetýdiń ǵylymı ortalyǵy» AQ-nyń bastaýysh partııa uıymyna múshe dárigerleri  Esil aýdanynyń  29  soǵys ardageri men tyl eńbekkerlerin aralaıdy.  

«Ulttyq medıtsınalyq holdıng» AQ UOS ardagerleriniń densaýlyǵyna kóp kóńil bóledi jáne olarǵa sapaly jáne qoljetimdi medıtsınalyq kómek berýdi qamtamasyz etedi. Qartaıǵan soǵys ardagerleri men tyl eńbekkerlerine qamqorlyq kórsetý maqsatynda mekemeniń maman dárigerlerinen jınaqtalǵan kóshpeli medıtsına brıgadasynyń jumysy uıymdastyryldy», - delingen holdıng aqparatynda. 

Ardagerler tegin terapevten, qazirgi jabdyqtarmen jabdyqtalǵan dıagnostıkadan tekserýden ótip, medıtsınalyq taldaýlardy tapsyrady jáne Ulttyq medholdıngtiń jetekshi medıtsına mamandarynan keńes alady. Qajettilikke qaraı ardagerler Respýblıkalyq jedel medıtsınalyq járdem ǵylymı ortalyǵyna odan ári emdelýge jatqyzylady.