Ulttyq-mádenı muramyzdy álemdik qoǵamdastyqqa kórsetýdi kózdeımiz - Muhamedıuly
QR Mádenıet jáne sport mınıstri Arystanbek Muhamedıuly «Jahandyq álemdegi qazirgi qazaqstandyq mádenıet» jobasynyń ıÝNESKO-nyń Parıj qalasyndaǵy shtab páterinde tanystyrylýyna qatysty osyndaı pikir bildirdi, dep habarlaıdy «QazAqparat» HAA tilshisi.
«Bizdiń elimiz baı ulttyq-mádenı muraǵa ıe, sony búkil álemdik qoǵamdastyqqa kórsetý mindeti bizdiń aldymyzda tur. Biz óz mádenı muralarymyzdy saqtaýmen birge, ony jańa qazirgi zamanǵy formaǵa sáıkestendirip, urpaqtar sabaqtastyǵyn úzbeı odan ári baıytyp kelemiz», - deıdi Arystanbek Muhamedıuly.
Mınıstr óz sózinde «Qazaqstannyń 100 jalpyulttyq qasıetti oryny» jáne «500 jergilikti nysan» atty kitaptar bul turǵyda taptyrmas týyndy bolatynyn atap ótti. Sonymen qatar, mınıstr «Qasıetti Qazaqstan» entsıklopedııalyq basylymynyń Basty tomynyń shyǵarylýy týraly toqtalyp, onyń negizinde qazaq, orys jáne aǵylshyn tilderinde bes tomdyq entsıklopedııa formatynda irgeli, ǵylymı-negizdelgen eńbek basylyp shyǵarylatynyn málimdedi.
Eske sala ketsek, Parıjdegi ıÝNESKO-nyń shtab-páterinde Memleket basshysynyń «Rýhanı jańǵyrý» baǵdarlamasy men «Jahandyq álemdegi qazirgi qazaqstandyq mádenıet» jobasy tanystyrylǵan bolatyn. Frantsııa astanasynda sondaı-aq, «Qoǵamdyq sanany jańǵyrtý: Nursultan Nazarbaevtyń modeli» atty halyqaralyq-tájirıbelik konferentsııasy ótti. Konferentsııa sessııalary álemdik tájirıbe kontekstinde rýhanı jańǵyrýdyń qazaqstandyq modeli, mádenı mura - ulttyq biregeıliktiń ózegi, qoǵamnyń birigýi - halyqaralyq turaqtylyqtyń negizgi resýrsy, mádenıetter yqpaldastyǵy - qoǵamdaǵy beıbitshilik pen dıalog negizi taqyryptary boıynsha bólindi.
