Ulttyq lıganyń erler komandalary arasynda voleıboldan QR chempıonaty bastaldy
ASTANA. QazAqparat - Pavlodarda jáne Petropavlda Ulttyq lıganyń erler komandalary arasynda voleıboldan QR chempıonaty bastaldy. Kishi týrda Ulttyq lıganyń komandalary toptarda bir-birimen saıysqa túsedi. Alǵashqy kúnniń nátıjeleri týraly QR voleıbol federatsııasynyń baspasóz qyzmeti habarlady.
«Atyraý», «Dınamo-Qazyǵurt», «Esil» jáne «TNK Qazhrom» kirgen «A» tobyndaǵy matchtar Petropavalda ótýde. Oıyndar 2015 jylǵy Qazaqstan kýbogynyń ıegeri «Atyraý» men shymkenttik «Dınamo-Qazyǵurt» arasyndaǵy matchpen bastaldy. Ońtústiktik voleıbolshylar tartysty saıysta Atyraý komandasynan jeńisti julyp áketti - 3:2. Ekinshi oıynda Ulttyq lıganyń debıýtanty jáne alań ıesi «Esil» 3:1 esebimen hromtaýlyq «TNK Qazhromdy» utyp ketti.
«B» tobyndaǵy matchtar Pavlodarda ótýde, munda «Taraz», «Pavlodar», «Altaı» jáne «Almaty» komandalary saıysqa tústi. Alǵashqy kúni pavlodarlyqtardyń 3:1 esebimen «Almatydan» mereıi ústem boldy, al Qazaqstannyń qazirgi chempıony «Taraz» óskemendik «Altaıdan» 3:0 esebimen basym tústi.
Kishi týrdyń matchtary 18 qazanda aıaqtalady, dep habarlady sports.kz.
16 qazandaǵy matchtar nátıjeleri:
«A» toby. Petropavl, S/K «Jeńis» SK. «Atyraý» - «Dınamo-Qazyǵurt» 3:2 (25:19, 29:31, 25:23, 21:25, 15:9) «TNK Qazhrom» - «Esil» 1:3 (17:25, 25:21, 18:25, 19:25) «B» toby. Pavlodar, S/K «Baıantaý» SK «Taraz» - «Altaı» 3:0 (25:17, 25:21, 25:20) «Pavlodar» - «Almaty» 3:1 (25:22, 23:25, 25:22, 25:20).
