Ulttyq lıgadaǵy erler komandalary arasyndaǵy el chempıonatynyń 1-týrynda óskemendik voleıbolshylar kósh bastap keledi
ALMATY. 22 jeltoqsan. QazAqparat /Erlik Erjanuly/ - Hromtaýda voleıboldan Ulttyq lıgadaǵy erler komandalary arasynda ótip jatqan HІH Qazaqstan chempıonatynyń 1-týr oıyndarynda alǵashqy 3 kúnniń qorytyndysy boıynsha kóshbasshylar ózgergen joq.
Búgin barlyq komandalar 1 kún tynyǵyp, erteń jarysty qaıta jalǵastyratyn bolady. Ol buǵan deıin jeńilissiz kele jatqan Almaty («Almaty») men Óskemen («Shyǵys-QorǵasynQurylys») voleıbolshylarynyń saıysymen bastalady. Al Qyzyljardyń «Esili» Oraldyń «Kondensatymen», Hromtaýdyń «TNK Qazhromy» Atyraýdyń «Atyraýymen» kúsh synasady. Buǵan deıin almatylyqtar Qyzyljardyń «Esilin» 3:2, Hromtaýdyń «TNK Qazhromyn» 3:2, Atyraýdyń «Atyraýyn» 3:0, al óskemendikter «Atyraýdy» 3:0, «Esildi» 3:1, «Kondensatty» (Oral) 3:2 esebimen utqan bolatyn. El birinshiliginiń alǵashqy týry arǵy kúni Oral men Almaty, Atyraý men Qyzyljar, Óskemen men Hromtaý sportshylarynyń oıynymen aıaqtalady.
