Ulttyq lıgadaǵy erler komandalary arasynda Qazaqstan chempıonatynda almatylyq voleıbolshylar ǵana jeńilissiz kele jatyr
ALMATY. 20 qańtar. QazAqparat /Erlik Erjanuly/ - Búgin Qyzyljarda voleıboldan erler komandalary arasynda ótip jatqan XIX Qazaqstan chempıonatynyń 2-týry aıaqtalady.
Bul týrda almatylyqtar ǵana jeńilissiz kele jatyr. Olar búgin aqtyq oıynyn Oraldyń "Kondensatymen" ótkizýde. Buǵan deıin olar "Atyraý" men "Esildi" (Qyzyljar) 3:0, "TNK Qazhromdy" (Hromtaý) 3:2, "Shyǵys-QorǵasynQurylysty" (Óskemen) 3:1 esebimen tize búktirgen edi.
Jalpy el chempıonatynyń 19-24 jeltoqsanda Hromtaýda ótken alǵashqy týrynda almatylyqtar barlyq kezdesýdi óz paıdasyna sheship, 10 upaımen birinshi oryn alǵan bolatyn. Al oraldyqtar onda 6 upaımen 5-oryndy qanaǵat tutty. Sondyqtan "Almaty" voleıbolshylarynyń 2-týrdy da jeńilissiz aıaqtaýǵa tolyq múmkindigi bar.
