Ulttyq lıgadaǵy erler komandalary arasynda el chempıonatynyń 5-týrynda ázirge 2 komanda ǵana jeńilissiz kele jatyr
ALMATY. 2 sáýir. QazAqparat /Erlik Erjanuly/ - Voleıboldan Óskemende ótip jatqan Ulttyq lıgadaǵy erler komandalary arasynda HІH Qazaqstan chempıonatynyń 5-týr oıyndarynda da almatylyqtar kóshbasshylyqty saqtap kele jatyr.
Onda ázirge alǵashqy 2 kúnniń qorytyndysy boıynsha 2 komanda ǵana jeńilissiz kele jatyr. Atap aıtqanda, almatylyqtar qyzyljardyń «Esili» (3:0) men hromtaýdyń «TNK Qazhromyn» (3:2) utty. Jarys qojaıyndarynyń «Shyǵys-QorǵasynQurylysy» dál osyndaı eseppen atyraýlyqtar (3:0) men oraldyń «Kondensatynan» (3:2) basym tústi. Buǵan deıingi týrlarda «Almaty» (37 upaı), «TNK Qazhrom» (35 upaı) jáne «Shyǵys-QorǵasynQurylys» (31 upaı) úzdik úshtikke engen bolatyn. Bul synda óskemendikter 3:2 esebimen týrnır kestesindegi kóshbasshyǵa ǵana ese jiberdi.
