Ulttyq lıgadaǵy erler komandalary arasynda almatylyq voleıbolshylar el chempıonatynyń 2-týrynda kóshbasshylyqty saqtap kele jatyr
ALMATY. 18 qańtar. QazAqparat /Erlik Erjanuly/ - Qyzyljarda voleıboldan erler komandalary arasynda XIX Qazaqstan chempıonatynyń 2-týry ótip jatyr.
Alǵashqy úsh kúnniń qorytyndysy boıynsha qazir almatylyqtar jeńilissiz kele jatyr. Olar "Atyraýdy" 3:0, "TNK Qazhromdy" (Hromtaý) 3:2, "Shyǵys-QorǵasynQurylysty" (Óskemen) 3:1 esebimen utty. Almatylyqtardyń kelesi qarsylasy "Esil" (Qyzyljar) men "Kondensat" (Oral) komandalary. Buǵan deıin oraldyq qyzyljarlyqtardy 3:2, óskemendikterdi 3:1 esebimen utyp, hromtaýlyqtarǵa 3:0 esebimen ese jiberdi. Al qyzyljarlyqtar atyraýlyqtardy qapy qaldyrǵanmen ( 3:2), óskemendikterdiń ( 1:3) basymdyǵyn moıyndaǵan bolatyn.
Jalpy el chempıonatynyń alǵashqy týry 19-24 jeltoqsanda Hromtaýda boldy. Onda jarys qojaıyndary almatylyqtardan 1 upaıǵa qalyp qoıyp, 9 upaımen ekinshi oryn alǵan bolatyn. Onda óskemendikter - 8, qyzyljarlyqtar - 7, oraldyqtar-6, atyraýlyqtar - 5 upaı oljalady.
