Ulttyq lıgadaǵy el chempıonatynyń alǵashqy týrynda almatylyq voleıbolshy jigitter jeńilissiz kele jatyr
ALMATY. 7 qarasha. QazAqparat /Erlik Erjanuly/ - Almatydaǵy «Temir dos» sport kesheninde voleıboldan Ulttyq lıgadaǵy erler komandalary arasynda Ulttyq HH Qazaqstan chempıonatynyń 1-týry ótip jatyr.
Alǵashqy 3 kúnniń qorytyndysy boıynsha jarys qojaıyndary jeke-dara kósh bastaýda. «Almatylyq» voleıbolshylar Qyzyljardyń «Esili» (25-18, 25-20, 25-22) men Óskemenniń «Shyǵys-QorǵasynQurylysyn» (25-18, 25-17, 25-17)3:0, al Hromtaýdyń «TNK «Qazhromyn» (15-25, 25-21, 25-16, 31-29) 3:1 esebimen tize búktirdi. Aınalym júıesi boıynsha ótip jatqan bul jarysta búgin barlyq komandalar birkúndik demalys aldy. Almatylyqtar kelesi oıyndaryn «Atyraý» (Atyraý) men «Kondensat» (Oral) komandalarymen ótkizedi.
Keshe atyraýlyqtar oraldyqtardy 3:1 esebimen utqan bolatyn. Olar buǵan deıin qyzyljarlyqtarǵa 0:3, óskemendikterge 1:3 esebimen ese jiberdi. Al oraldyqtar óskemendikterden 1:3, hromtaýlyqtardan 0:3 esebimen utylǵan edi.
