Ulttyq lıgadaǵy el chempıonatynyń 3-shi týrynda da «jetisýlyq» qyzdar qarsylas shaq keltirmedi
ALMATY. 30 qańtar. QazAqparat - Şýchınsk qalasynda 25-29 qańtar kúnderi voleıboldan Ulttyq lıgadaǵy áıelder komandalary arasynda HHІ Qazaqstan chempıonatynyń 3-shi týry ótti.
Onda Taldyqorǵannyń «Jetisý» komandasy 4 kezdesýde de jeńiske jetip, múmkin bolǵan eń joǵarǵy 12 upaıdyń 10-yn óz qorjynyna saldy. Al «astanalyqtar» - 7, pavlodarlyqtar («Ertis-Qazhrom») - 6, «almatylyqtar» - 4, «qaraǵandylyqtar» - 3 upaıdy qanaǵat tutty. Sonyń nátıjesinde 3 týrdyń qorytyndysy boıynsha 12 oıynnan keıin 33 upaı jınap, kóshbasshylyq tizgindi óz qolyna berik ustaǵan «Jetisý» ózgelerden aıtarlyqtaı uzap ketti. Olardan 11 upaıy kem «Astana» ekinshi orynda kele jatyr. Odan keıingi oryndardy 15 upaımen «Ertis-Qazhrom», 11 upaımen «Qaraǵandy», 9 upaımen «Almaty» ózara bólisýde.
QR Voleıbol federatsııasynyń baspasóz qyzmetiniń habarlaýynsha, Asqar Shalqybekov jattyqtyratyn taldyqorǵandyqtardyń bul el chempıonatyndaǵy jeńilissiz ótkizgen 66-shy oıyny. Olardyń jeńister serııasy 2011 jyldyń 9 aqpanynda bastalǵan bolatyn. Endi 2012/2013 jylǵy el chempıonatynyń 4-shi týry 22-28 aqpanda Pavlodarda jalǵaspaq. Buǵan deıingi alǵashqy 2 týr 25-29 qarasha jáne 22-26 jeltoqsanda Almatyda ótken bolatyn.
